• This is Slide 1 Title

    This is slide 1 description. Go to Edit HTML and replace these sentences with your own words. This is a Blogger template by Lasantha - PremiumBloggerTemplates.com...

  • This is Slide 2 Title

    This is slide 2 description. Go to Edit HTML and replace these sentences with your own words. This is a Blogger template by Lasantha - PremiumBloggerTemplates.com...

  • This is Slide 3 Title

    This is slide 3 description. Go to Edit HTML and replace these sentences with your own words. This is a Blogger template by Lasantha - PremiumBloggerTemplates.com...

السبت، 15 ديسمبر 2012

حلوة الرخامة

 
 حلوة الرخامة
 
 

 
 
المقادير :
500غ لوز مسلوق ومقلي ومهرمش
او
500غ الكاوكاو محمر ومقشر ومهرمش
1 حك نستلى كراميل سديت عليه مدة 45 دقيقة في طنجرة الظغط مع تغطية الحك كاملا بالماء
قطرات من روح اللوز
نسمة الحامض
200 غ شكلاط ابيض
250 شكلاط اسود
ورق السولفيريزي
كوغطات
 
الطريقة على بركة الله :
 
  بعدما سدينا على الحك ديال نسلى نخلطوه مع اللوز او  الكاوكاو
 المهرمش لحين الحصول على عقدة  متماسكة
 

نذوبو الشكلاط باستعمال حمام مريم 



نسرحوه فوق قطعة بلاستيكية ونشكلو منه مربع او مستطيل
نذوبه الشكلاط الاسود بطريقة حمام مريم ونصبوه فوق العقدة
 ونحتفظ بجزء منه في كورني ورقي للتزيين


 

نصب الشكلاط فوق عقدة اللوز او  الكاوكاو ونذخله للثلاجة حتى يتماسك
في هذه الاثناء نذيب الشكلاط الابيض في نفس الوعاء الذي سبق وان استعملناه للشكلاط الاسود حتى يصبح لون الشكلاطة الابيض مائل الى الابيض الكريمى البيج


نخرج الخليط من الثلاجة ونقلبوه للجهة الاخرى ثم نصب الشكلاطة البيضاء


 
 ونقوم برسم خطوط متوازية فوقها من الشكلاط الاسود اللي سبق واحتفضنا به
 
 
 
تم نقوم بتمرير السكين او عود الاسنان فوق الخطوط المتوازية للحصول على شكل الميلفوي ..
ندخلها للثلاجة لحين تتماسك الشكلاط وتصبح صلبة.
 
 
 

 
ونقطعها على شكل معينات او مربعات حسب رغبتكم
  وهذا شكلها النهائي اتمنى ان اكون قد بسطتها حتى تتمكنوا من تجربتها ...





 
.... وبالصحة والهناء
 

كيش بالتونة والخضر

 
 
كيش بالتونة والخضر
 
من بين الاطباق المحبوبة لذي كيش بالتونة والخضر واحببت مشاركتكم اياه
على بركة الله سنحتاج الى عجين خاص بي اعتمده في كل المخبوزات المملحة وكذلك الحلوة مع بعض التغيير الطفيف في المكونات.
 
 
مقادير العجين
 
زلافة ونصف دقيق ابيض
كاس كبير حليب
1 خميرة كيماوية 7غ
قليل خيرة الخبز
2 ملعقات كبار زبذة
ملح
 
 
 الطريقة
على بركة الله
 
نخلطو النواشف هي الاولى ملحطحين وخميرة كيماوية
نذوبو  الخميرة مع الحليب مع الحليب
ونذوبو الزبذة ونخلطو العجين ديالنا ونقركوه جانبا ليرتاح ويختمر 



 
مقادير الحشوة
 
فلفلة كبيرة مقطعة رقيق
شوية البورو مقطع دوائر
3 بصلات صغار مقطعين رقيق
زيت الزيتون
علبة التونة 80غ
بيضات
علبة القشدة الطرية 200 ملل
50غ فرماج محكوك
ملح ..ابزار..زعتر.
 
تحضير الحشوة  
نشحرو البصل والفلفل والبورو  مع الزيت البلدية ونتبلوها بالملح الابزار والزعتر 
نتركهم حتى يبردو ونزيدو عليهم التونة والقشدة الطرية والبيض

 
ونخلطوهم كيفما كتوضح الصورة



 
نذهنو طاوة الفرن بالزيت او الزبذة
حسب رغبتكم ونسرحو فيها العجين اللي خمرناه


 
ولاضافة بعض اللمسات على العجين لتزيينه
 نقوم بالظغط عليه  بالسبابة والابهام من الاسفل باليداليمنى
وبسبابة اليد اليسرى من الاعلى كماهو واضح في الصورة


 
للحصول على تموجات جانيبة



 
بعد انتهاء عملية تزيين العجين من الجوانب نصب خليط الحشوة ونسرحه عليها بملعقة كبيرة


 
ونذخله للفرن درجة حراراته 180 لمدة 30 دقيقة
ملاحظة.. المدة تختلف حسب نوعية الفرن
 

 
وهاهو الكيش ديالنا وجد مع شي بريريد ديال اتاي
 وبالصحة والعافية
 

الجمعة، 14 ديسمبر 2012

بسطيلة الحوت شكل جديد

بسطيلة الحوت شكل جديد

شكر خاص لصاحبة الوصفة الاخت صوفيا غنيم الله يجازها الف خير وسبقت وذكرت اسمها في مجموعة مطابخنا المغربية

المقادير

500غ ورقة البسطيل
1.5 كيلوسمك ابيض حسب الموجود انا هنا استعملت سمك الفارس
قمرون 500غ
200غ بورو
200غ شعرية صينية 
  علبة الفطر (حك الفكيع)
زيتون اسود 
 زبدة مذوبة 
 الثوم القصبي السيبوليت
الفرماج المحوك حسب الموجود عندكم انا هنا استعملت 400غ

 التوابل
 ..زعتر
 عطرية خاصة بالبسطيلة ديال الحوت
 تحميرة حلوة
تحميرة حارة
خلطة السمك
ملح
ابزار
زيت الزيتون






مقادير
 صلصة المورني
2 بيضات
40غ ربدة
 ضامة البنة ديال الحوت
  2  ورقات سيدنا موسى
 4 الفرمجات الى كان كيري يكون احسن
فصوص ديال الثومة
 زعتر
ملح
ابزار
 القشطة الطرية لاكريم فريش
          40 مايزينة انا هنا صراحة ماديرتهاش



 

الطريقة على بركة الله

دوزي ورقة البسطيلة في الماكينة ديال الشعرية

 ورقة البسطيلة زدنا عليها التحميرة والزيت بعدما دوزتها في الماكينة

كيتبدل لونها وكتولي  بحال خيزو محكوك




في مقلاة كبيرة  نحضر الحشوة المكونة من السمك والسيبوليت والبورو  والتوابل والزيت
بعدما نحسو بالخليط  طاب ووجد نزيدو عليه الفطر المعلب بعد غسله جيدا  بعصير الحامض او الخل لازالة المواد الحافظة منه



وفي نفس الاثناء نرطبو الشعرية الصينية في الماء المغلي
 مع اضافة ضامة البنة الخاصة بالسمك مع وورق الرمد لمدة 10 دقائق وطبعا بدون نار



بعدما صفيناها ونسمناها بملعقة من الخليط  نضيفها على
الحشوة ونضيفو معا الزيت الاسود المقطع ونترك الكل يبرد





قبل ما نخلطو عناصرالحشوة مزيان نعزلو منهم طريفات الحوت الكبار ونحتفضو بهم جانبا




تحضير الصلصة

 طحني جميع عناصر الصلصة الا البيض دوزيهم في المولينيكس



بعدما طحنتيها وضعيها فوق البوطة وحركيها على نار هادئة ..واحد 3  دقايق حتى 5 حيديها من فوق النار ضيفي ليها 2 ديال اصفر البيض وطبعا يديك خذامة .... غيرهي 1 الملاحظة الصلصة غاذي تخليوها حتى الاخير عاد تخذموها






هذا هو الشكل النهائي للصلصة كتجي لذيذة بنكهة الثوم ورقة سيدنا موسى ويمكن ليكم تستعملوها في المشاوي ..في التبخار وكذلك مع الخضر او السلطات





ناخذ بلاستيكة ونسرحوها ونسرحو فوق منها ورق السولفيريزي باش يسهل علينا عملية طي البسطيلة


نسرحو فوق منها الورقة ديال البسيطلة اللي سبق وجدناها ونرشوها بالزبذة المذابة
ونزلو فوق منا الحشوة ديال السمك بعدما تكون بردات
ونسقيوها بصلصة المورني



نرشو عليها الفرماج المحكوك بسخاء
 باش يزيد يعطيها مذاق لذيذ وخصوصا منى غاذي يتمزج بالصلصة


نوضعو القمرون اللي سبق وخلينا مرقد في ماء مغلي ومنسم بالثوم وورق الرمد
وكذلك نزيدو طريفات الحوت اللي كنا نقصنا من الحشوة


ونبداو نطويوها ونلفوها كيفما واضح في الصورة  وكيفما كتلاحظو بان البلاستيكة اللي فرشناها في الاول قامت بالمهمة وسهلات علينا الشغل


وطبعا بعدما لفيناها نحاول بتانى نوضعوها في القالب المخصص
 للبسطيلة على هذا الشكل ونزولو البلاستيكة ونرشوها بالزبذة المذابة
وندخلوها للفرن للاستواء

بعدما خرجتها من الفرن  فرشت ليها الخس وزينتها بالطماطم الصغيرة المقلية في الزيت والزعتر
بقيمرون مقلي وبلفائف الدنجال بالفرماج 


وهذا الشكل النهائي ديالها
بالصحة والهنا ونتمتى  من الله تنال اعجابكم
ونكون  وصلت ليكم الطريقة  بشكل سهل ومبسط وماتنساوش صاحبة الوصفة الاصلية الاخت صوفيا غنيم الله يجازيها الف خير  






اللحم مبخر ومشوي في الفرن



اللحم مبخر ومشوي في الفرن
 
طبق من الاطباق المغربية الاصيلة كالبسطيلة والمحنشة ....الخ  
واللي كيمتاز بها المطبخ المغربي خاصة في الولائم والمناسبات الخاصة
زدت  عليها  اضافة بسيطة  نتمنى من الله تعجبكم وتجربوها
نبداو على بركة الله  
 
المقادير
 
شريحة اللحم العجل  كيلو ونصف
2ورقات الرند ( سيدنا موسى)
سيقان الكرفص
500غ جزر محكوك ونحتفضو بالقلب ديالو
 
 
   
قزبر طري جزر محكوك
التوابل ملح ابزار تحميرة حلوة  خرقوم  بلدي زعتر معلقة السمن  
 زنجبيل
 
الطريقة على بركة الله تخلطي جميع التوابل  مع كاس الماء

 
وترقدي فيه شرائح اللحم لمدة 2 ساعتين

 
من بعد تبخريه  والماء ديال التبخر يكون منسم
بسيقان الكرفص و قلب الجزر اللي سبق واحتفظنا به
بعدما خذى كفاية من الطياب نزيل عنه الجزروالقزبر 
 ناخذ القليل من المرق ونطحنو معا الجزر والكرفص
 والقزبر ونوضعوه على نار هادي باش  ينقص المرق ويتشرب
  وناخد القليل من المرق  وندهنوه به شرائح اللحم مع القليل من الزبدة
 وندخلوه الفرن باش يتحمر وتيقدم ساخن انا هنا رافقت بالقرعة
 مقطعة دوائر ومقلية منسمة بالزعتر وهذا هو الشكل النهائي دياله
بالصحة والعافية