الجمعة، 14 ديسمبر، 2012

بسطيلة الحوت شكل جديد

بسطيلة الحوت شكل جديد

شكر خاص لصاحبة الوصفة الاخت صوفيا غنيم الله يجازها الف خير وسبقت وذكرت اسمها في مجموعة مطابخنا المغربية

المقادير

500غ ورقة البسطيل
1.5 كيلوسمك ابيض حسب الموجود انا هنا استعملت سمك الفارس
قمرون 500غ
200غ بورو
200غ شعرية صينية 
  علبة الفطر (حك الفكيع)
زيتون اسود 
 زبدة مذوبة 
 الثوم القصبي السيبوليت
الفرماج المحوك حسب الموجود عندكم انا هنا استعملت 400غ

 التوابل
 ..زعتر
 عطرية خاصة بالبسطيلة ديال الحوت
 تحميرة حلوة
تحميرة حارة
خلطة السمك
ملح
ابزار
زيت الزيتون






مقادير
 صلصة المورني
2 بيضات
40غ ربدة
 ضامة البنة ديال الحوت
  2  ورقات سيدنا موسى
 4 الفرمجات الى كان كيري يكون احسن
فصوص ديال الثومة
 زعتر
ملح
ابزار
 القشطة الطرية لاكريم فريش
          40 مايزينة انا هنا صراحة ماديرتهاش



 

الطريقة على بركة الله

دوزي ورقة البسطيلة في الماكينة ديال الشعرية

 ورقة البسطيلة زدنا عليها التحميرة والزيت بعدما دوزتها في الماكينة

كيتبدل لونها وكتولي  بحال خيزو محكوك




في مقلاة كبيرة  نحضر الحشوة المكونة من السمك والسيبوليت والبورو  والتوابل والزيت
بعدما نحسو بالخليط  طاب ووجد نزيدو عليه الفطر المعلب بعد غسله جيدا  بعصير الحامض او الخل لازالة المواد الحافظة منه



وفي نفس الاثناء نرطبو الشعرية الصينية في الماء المغلي
 مع اضافة ضامة البنة الخاصة بالسمك مع وورق الرمد لمدة 10 دقائق وطبعا بدون نار



بعدما صفيناها ونسمناها بملعقة من الخليط  نضيفها على
الحشوة ونضيفو معا الزيت الاسود المقطع ونترك الكل يبرد





قبل ما نخلطو عناصرالحشوة مزيان نعزلو منهم طريفات الحوت الكبار ونحتفضو بهم جانبا




تحضير الصلصة

 طحني جميع عناصر الصلصة الا البيض دوزيهم في المولينيكس



بعدما طحنتيها وضعيها فوق البوطة وحركيها على نار هادئة ..واحد 3  دقايق حتى 5 حيديها من فوق النار ضيفي ليها 2 ديال اصفر البيض وطبعا يديك خذامة .... غيرهي 1 الملاحظة الصلصة غاذي تخليوها حتى الاخير عاد تخذموها






هذا هو الشكل النهائي للصلصة كتجي لذيذة بنكهة الثوم ورقة سيدنا موسى ويمكن ليكم تستعملوها في المشاوي ..في التبخار وكذلك مع الخضر او السلطات





ناخذ بلاستيكة ونسرحوها ونسرحو فوق منها ورق السولفيريزي باش يسهل علينا عملية طي البسطيلة


نسرحو فوق منها الورقة ديال البسيطلة اللي سبق وجدناها ونرشوها بالزبذة المذابة
ونزلو فوق منا الحشوة ديال السمك بعدما تكون بردات
ونسقيوها بصلصة المورني



نرشو عليها الفرماج المحكوك بسخاء
 باش يزيد يعطيها مذاق لذيذ وخصوصا منى غاذي يتمزج بالصلصة


نوضعو القمرون اللي سبق وخلينا مرقد في ماء مغلي ومنسم بالثوم وورق الرمد
وكذلك نزيدو طريفات الحوت اللي كنا نقصنا من الحشوة


ونبداو نطويوها ونلفوها كيفما واضح في الصورة  وكيفما كتلاحظو بان البلاستيكة اللي فرشناها في الاول قامت بالمهمة وسهلات علينا الشغل


وطبعا بعدما لفيناها نحاول بتانى نوضعوها في القالب المخصص
 للبسطيلة على هذا الشكل ونزولو البلاستيكة ونرشوها بالزبذة المذابة
وندخلوها للفرن للاستواء

بعدما خرجتها من الفرن  فرشت ليها الخس وزينتها بالطماطم الصغيرة المقلية في الزيت والزعتر
بقيمرون مقلي وبلفائف الدنجال بالفرماج 


وهذا الشكل النهائي ديالها
بالصحة والهنا ونتمتى  من الله تنال اعجابكم
ونكون  وصلت ليكم الطريقة  بشكل سهل ومبسط وماتنساوش صاحبة الوصفة الاصلية الاخت صوفيا غنيم الله يجازيها الف خير  






10 التعليقات:

شهيوات ناني يقول...

فالحقيقه فكره ممتازه و جديده اله يعطيك الصحه سعاد و الصراحه مضيعة راسك بزاف هاد المهارات كلها ما شاء الله اللي عندك خصك تستغليها بشكل عملي ... الله يوفقك و يفتح لك ابواب الخير

angolo-dei-sapori يقول...

اللهم امييييين ا خديجة اختي ويعطيك كل ما نويتي في خاطرك كون كنت مازال في البلاد راني كنت كنشد الطلبات وكون زدت وسعت دائرتي على الاقل باعطاء الدروسفي الطبخ ولكن للاسف راكي عارفة هذا الارض السعيدة مازال ما كيتيقو ف المطبخ المغربي ماشي بحال فرنسا وبلجيكا ستانسو باكلاتنا.

غير معرف يقول...

سمحي لي ختي سعاد على التطفل ديالي نتي تبارك الله موسوعة رائعة فالطبخ علاش مبقيتي فبلادك حسن من الغربة غتعيشي فيها مخيرة بهاد الموهبة لي عطاك الله اوسمحي لي بزاف بزاف بزاف

انوثة مغربية يقول...

سعاد شهادتي فيك مجروحة لانك فعلا استاااااااااااذة الله يرزقك كل ما تمنيتي

غير معرف يقول...

Khti Souad tbarkallah ou Salat 3la Nbi 3lik achnahoua lfacebook dialek allh ijazek bikhair ana mo3jaba biwassafatek nti ina blad hit hta ana mgharba

fatimanorcuisine يقول...

تبارك الله عليك ختي جات روووعة

angolo-dei-sapori يقول...

مكتوبي اختى انني نعيش في بلاد الغربة مع عائلتي هذا ما كاين ولهلا يخطيك على النصيحة

angolo-dei-sapori يقول...

مرحبى بك اخت وصديقة انا مقيمة في ايطاليا والفايس ديالي هو هذا https://www.facebook.com/souad.chihab

angolo-dei-sapori يقول...

الله يبارك فيك اختى وانت اروع

ILHAM MERIEME يقول...

tbarkallah 3like, bonne idee, rebbi ikhalli like akhti 3la had wassfa

إرسال تعليق